هل تعرف ما هو أخطر مكان علي وجه الأرض لكم ان تتخيلوا ان 93 % من كل البشر الذين عاشوا علي مر التاريخ في عداد الموتي الآن، مقابل كل شخص يعيش في هذا الوقت يوجد 15 شخص قد ماتوا بالفعل، كوكبنا خطير فعلا، لكن نسأل مرة اخرى، ما هو المكان الموجود في الكوكب بالظبط يعد الاخطر؟؟؟
بغض النظر عن الحوادث الغريبة، ما هى اكثر الاماكن دائمة الخطورة علينا؟؟؟
تعرف على ما هو أخطر مكان على وجه الأرض
تعالوا نبدأ الاجابة على هذا السؤال. الانسان يقدر يعيش في درجات حرارة معينة، الاجواء الحارة جدا او الباردة جدا قادرة علي اماتتنا في ظرف ساعات ان لم تكن دقائق، لكم ان تتخيلوا ان نصف السعرات اللي جسمنا بيستهلكها يوميا بتستهلك علي الحفاظ علي درجة حرارة الجسم الطبيعية، هذا الكلام في الظروف الطبيعية ونحن نجلس مستريحين ونرتدى ملابسنا عادي، لو أخذنا شخص ما وجردناه من ملابسه وحطيناه في درجة حرارة صفر سيليزيوس هيموت من انخفاض درجة الحرارة الداخلية لجسمه في ظرف 20 دقيقة.
واضح من الكلام الذي فات ان تدفية الجسم مهمة، لكن في حاجة اهم: الاوكسجين. تعالوا نروح لقمة جبل ايڤريست اعلي قمة طبيعية علي وجه الارض، اعلي سطح الجبل كمية الاوكسجين اقل كتييير من سطح البحر، نسبة الاوكسجين هناك تلت النسبة عند سطح البحر!!!
المتسلقين يقدروا يستحملوا نقص هذا الاوكسجين لكن تدريجيا علي مدى شهور، انما لو نقلنا حضرتك من مكانك الان إلى هناك فورا هتموت من نقص الاوكسجين في خلال من دقيقتين الى 3 دقايق.
الموت سيأتى اسرع أيضاً لو شخص وقف في منخفض ماريانا، المكان ده اخفض من سطح البحر ب 7 ميل، الشئ الذي سيجعل الضغط حوالين جسم الشخص اكثر من 15000 رطل/ بوصة مربعة.
في ظروف الغطس العادية وانت مجهز تقدر تحافظ علي حياتك، اما من غير تجهيزات في ظروف هذا الضغط رئتك ستنهار لحظيا، ومن غير الرئة مفيش اوكسجين هيوصل للمخ فهيتوقف بدوره في ظرف 15 ثانية وحضرتك هتموت كليا في اقل من 90 ثانية. وهذا تقريبا نفس الوقت المستغرق للوفاة لو قفزت في الفضاء بدون بدلة مجهزة.
لكن في طريقة احسن من كل هذا لو عايز تنهي حياتك، القفز في حمم بركانية!!!
عكس اللي الافلام بتصوره لو حد قفز في بركان مش هيذوب بهدوء تام كدة بالعكس ولكنه هينفجر واشلائه هتبقي في كل ناحية، وهذا بسبب ان جسمنا مكون اغلبه من المياه، والحمم البركانية حرارتها اسخن 4 مرات على الأقل من فرن البوتاجاز المنزلى، يعني لما المحتوي المائي ده يتعرض لدرجة الحرارة دي هيتحول لبخار، وهذا ما سيؤدى لعمل الانفجار الذي تحدثنا عنه!!!
طب ايه رأيكم نقيس درجة الخطورة بعدد الوفيات مش بسرعة عملية الوفاة؟!
درجات الخطورة
في عام 1918 ڤيروس الانفلوانزا تسبب في وفاة 100 مليون شخص، وده كان حوالي 3% من اجمالي سكان العالم في الوقت ده، النسبة مرعبة صح؟!
في حاجة اكتر رعبا حصلت، الطاعون. ما بين 1347 ل 1353 تلت سكان اوروبا ماتوا بوباء الطاعون. طبعا الطاعون كوباء بقي شئ من الماضي بسبب وجود علاج ليه اللي هيا المضادات الحيوية، بس صدق او لا في من 10 ل 15 حالة بيجيلهم طاعون سنويا في امريكا!!!
أيضاً سيناريو الطاعون مش الاكتر رعبا، في حاجة بقي تسببت في موت بشر اكتر منه ومن الانفلونزا مجتمعين، الملاريا.
وده طفيل بينتقل من قرصات ناموس معين، في عالم حاصل علي نوبل اسمه بروت بلامبر من دراسته للچينوم البشري وهجرات البشر عبر كل التاريخ البشري بيقدر ان نص البشر اللي عاشوا علي وجه الارض في كل التاريخ ماتوا بسبب الملاريا!!!
وبسبب ذلك فأصبحت اماكن انتشار الملاريا احصائيا على الاقل هي اخطر اماكن علي الكوكب.
طب بعيدا عن الاماكن الخطرة علينا بسبب ظروف الكوكب ومخلوقاته المختلفة، تعالوا نتكلم عن اخطر الاماكن علينا اللي خطورتها سببها احنا البشر نفسنا.
في مدينة صغيرة في بيرو اسمها لأوريا، معدل الجريمة فيها قليل بس معدلات التلوث فظيعة، الاحتباس الحراري والغازي هناك مسبب ان نسبة الزرنيخ في الجو اكتر من الطبيعي 85 مرة!!!
ونسب التلوث دي لا شئ مقارنة ببحيرة كاراتشي في روسيا اللي بتلقب باكتر بقاع الارض تلوثا من قبل المعهد الدولي لمراقبة النفايات النووية، البحيرة دي بتحتوي علي نفايات مشعة لدرجة انك ممكن تصاب بجرعة اشعاعية مميتة لو وقفت هناك ل ساعة واحدة!!!
دليل السلام العالمي بيصنف الدول من حيث الامان بكذا عامل زي معدل الجريمة ومعدل الفساد المالي والسياسي، اكتر الاماكن امانا طبقا للدليل ده هيا دولة ايسلندا، واكترهم خطورة دولة الصومال.
لكن اعلي معدل وفات بسبب الجريمة موجود في مدينة خواريز في المكسيك اللي معدله 1477 شخص لكل مليون شخص!!!
لو انتا من المعجبين بمسلسل Dexter هتتعجب من عدد السفاحين اللي موجودين في مدينة ميامي، رغم كدة ده مش اعلي معدل لتواجد السفاحين طبقا لعمل تلفزيوني، الشرف ده بيروح لمدينة cabot cave في مسلسل murder she wrote ، معدل الجريمة في المدينة دي طبقا للمسلسل كان 274 شخص وسكان المدينة كلهم 3500 شخص فقط، يعني معدل 1490 حالة لكل مليون شخص، وده رقم عمره ما تحطم في ارض الواقع، لغاية من سنة لما مدينة san pedro sula في الهندوراس ما سجلت معدل 1588 حالة لكل مليون شخص!!!
تعالوا نختم بحاجة غريبة، في 1986 حصلت حادثة مفاعل تشيرنوبيل في اوكرانيا، لمدة 10 ايام كاملة النظائر المشعة فضلت تتسرب للمنطقة وتم اخلاء تام للمنطقة، الموضوع كان غريب لسبب ان اجلاء البشر عن المنطقة دي تسبب في ازدهار الحياة البرية في المنطقة، وزي ما بيقولوا رب ضارة نافعة ومصائب قوم عند قوم فوائد!!!