تعرف على ضريبة اللحية يا تحلق يا تدفع

تعرف على ضريبة اللحية والشعار السائد يا تحلق يا تدفع، هل اللحيه عليها ضريبة !! اه طلع للحيه ضريبة.

ضريبة اللحية

أول من فرض ضريبة على تربية اللحية هو الملك هنري الثامن ملك بريطانيا ودا كان من خلال مرسوم أصدره سنة 1535، وكانت اللحيه وقتها بتعتبر رمز للمكانة وعشان كدا هنري نفسه كان ملتحي وصوره كانت بلحيه ثقيلة وطويلة، وكان الغرض من فرض الضريبة دي هو انه يسد احتياجات البلد وبعد ما اتملت الخزائن اصدر مرسوم تاني الغي فيه تلك الضريبة.

بريطانيا

بس اول ما تولت الملكة اليزابيث الأولى بنت الملك هنري الحكم سنة 1558 اصدرت مرسوم أعادت فيه ضريبة اللحية واعتبرت أي لحيه عمرها اكثر من اسبوعين لازم يتدفع عليها ضريبة ودا لأنها مكنتش بتحب شكل اللحيه اساسا.

روسيا

وفي سنة 1705 زار إمبراطور روسيا بطرس الأكبر إنجلترا وعجبته فكرة ضريبة اللحية ودا لأنه مكانش ملتحي ولا حتي بيعترف بتربية اللحيه وأول ما رجع من بريطانيا أمر حاشيته ومستشارينه اللي كانوا ملتحين أنهم يحلقوا لحيتهم فرفضوا تماما لأن اللحيه كانت عندهم رمز مقدس.

لكن رد فعل بطرس كان عنيف وغريب، طلب اثنين من الحلاقين وأمرهم يحلقولهم لحيتهم قدامه بل هو كمان حاول يحلقلهم بنفسه وأول ما خلصوا حلاقة راح مطلع مرسوم بفرض ضريبة علي تربية شعر الوش كله لحيه وشنب. وقيمة الضريبة دي كانت 50 روبل في السنة.

ونزل الشرطة ونشرهم في الشوارع يجمعوا الضريبة من الناس وبقي الشعار وقتها يا تدفع يا تحلق واللي يدفع يدوله عملة مسكوك عليها لحيه وشنب كمستند انه دفع الضريبة لمدة سنة ويعاد استخدامها لسنة تانية باضافة شنب ولحيه معكوسين. واستمر الحال دا لغاية ما مات بطرس الأكبر سنة 1725. ودي كانت من اغرب الضرائب اللي اتفرضت علي مر التاريخ.

تعديل المقال