انهاردة هنتكلم عن الجنس و التفوق في الاداء الجنسي !!! المصطلح الدارج اللي بنتكلم عنه هوا “العجز الجنسي” بس ده في الحقيقة مش موضوعنا، موضوعنا هوا الاحساس بعدم الامتياز في الاداء الجنسي، الاحساس انك مش كفؤ كفاية لارضاء شريكك جنسيا !!!
علاقة الجنس بالثقة في النفس
في اوقات انخفاض الثقة في النفس وتقدير الذات يصعب تفادي الخوف من النوع ده من الفشل، 3 انواع من المشاكل المؤرقة دايما بيظهر في الحالات دي:
- ان اجسامنا مش جذابة كفاية.
- ان معرفتنا بالاوضاع الجنسية غير كافي.
- اننا بنتعب بسرعة وبسهولة.
الافكار دي بتبين الجنسانية والاغراء الجنسي كنشاط جسدي فيزيائي بحت كأنه نشاط رياضي بيمارس في صالات الالعاب، لكن الفكر ده عموما ابعد ما يكون عن فهم المعني الحقيقي للعملية الجنسية ككل.
التفوق في الاداء الجنسي
الجنسانية عموما بعد التفكير الجاد والعميق بتظهر علي انها مجموعة من المناورات العقلية اكتر منها جسدية، التكنولوچيا الحديثة بتأيد الكلام ده جدا لاننا بنشوف حالات كتير بيظهر فيها مستويات انجذاب جنسي رهيبة بين شخصين تفصل بينهم قارات، وده يؤكد نظرية ان الانجذاب والاغراء الجنسيين بيعتمدوا علي شئ مختلف تماما عن الاداء الجسدي وهيا “الافكار”!!!.
المهارات العقلية للتفوق في الجنس
ان تكون شريكا جنسيا ناجحا يحتاج اولا مهارات عقلية معينة، الجنس بيصبح ممتعا اكتر كل ما بيقدر يتخلص ويبعد عن ما هوا “عادي ومعتاد” في الحياة العامة.
من شأن الممارسة الجنسية الجيدة ان تظهر للنور كتير من الافكار اللي بالطبيعي يجب كبتها واخفائها، زي مثلا اظهار شبقنا لفكرة السيطرة علي شخص بالطبيعي بنظهر له حرية التصرف، او العكس التام اننا نظهر استسلام تام لشخص بنظهر في الحياة اليومية مسيطرين عليه “وده اللي بنشوفه في عمليات ال BDSM“.
من الممكن ايضا اننا ننجذب لاقامة علاقات بسيناريوهات من شأنها قلب تراتبية القيم المعتادة، زي تخيل ان العلاقة بين طبيب وممرضة، او طيار ومضيفة، او مدرسة وطالب مثلا!!!.
ممكن كمان نبقي عايزين نخرج من الاطار الفكري المعتاد اننا كائنات بتقدس الزواج الفردي باننا نظهر ارادة ممارسة مع اكتر من شريك زي فكرة الجنس الثلاثي threesome!!!.
احيانا كمان بنظهر ان الاهتمام مش محصور فقط بالاعضاء الجنسية فقط ولكن ايضا باماكن اخري غير متوقعة في الجسم زي الايدي واصابع الرجل!!!.
كل ده ثورة علي”المعتاد اليومي”، تملص من تابوهات الحياة المعتادة، الجنس في جوهره هوا جلب شخص ما لجانبنا المظلم المجنون والقاسي، بنتعري قدامهم داخليا قبل خارجيا وبنبقي مرتاحين معاهم بده، التفوق في الاداء الجنسي اذا ليس مجرد حركات رشيقة ولكن مهارة فكرية اولا، مهارة اننا نحسس شركائنا بالامان والثقة انهم يطلقوا العنان لانفسهم!!.